الانتحار

عرفت ان فى واحد حاول ينتحر علشان بابا مرضيش يجوزوه اختى
عمرى ما تخيلت ان حاجه زى دى ممكن تحصل الواحد بيشوفها فى الافلام بس
صحيح انا عندى نزعه انتحاريه بس مش عارفه صعب عليا اقبلها على حد تانى
و عمرى ما تخيلت ان حد ينتحر علشانى او انه حتى ينتبه لوجودى انا طول عمرى اقول على نفسى انى غير مرئيه
بس الشهاده لله انا جوزى بيحسسنى انه مش شايف غيرى

ثقه

ما بيثقش فيا!
مش قصدى حاجه وحشه بس .....
دايما يسأنى بطريقه ملتويه علشان يوقعنى فى الكلام
على طول يسألى اذا كنت عملت الحاجه اللى قالى عليها و لا لأ
و اذا ما كنتش عملتها يزعل و يقعد يزعق مع انها حاجه تافهه و ممكن تتعمل فى اى وقت
دايما يسألنى عن الفلوس زى ما يكون بسرقه
انا مش عالرفه اعمل ايه ؟

شهر واحد

امبارح عرفت ان واحده صاحبتى اتطلقت !
قعدت مع جوزها شهر واحد و بعدين سابت البيت بعد مشاكل وكانت حامل و بعد لما ولدت بشويه طلقها فجأه كده من غير كلام !
مسألش عليها خالص لا هى و لا بنتها ! كأنها هديه ولادتها !
مش دى اول مره اسمع عن ناس اتطقوا بعد شهر
واحده عندنا فى البلد اتطلقت بعد شهر
واحد زميلنا فى الكليه طلق بعد شهر
واضح انها بقت ظاهره
بس ظاهره غريبه ازاى حصل ده
مشافوش ان المشكله دى جايه
و لا اختاروا انهم ما يشفوش علشان الامور تمشى و هى جوازه و خلاص
ايه اللى ممكن يحصل فى الفتره الصغيره دى علشان الامور توصل للدرجه دى
مش عارفه ان كان احسن ان الطلاق يحصل متأخر و لا بدرى قبل ما ياخدوا على بعض
كل اللى اقدر اقوله الحمد لله الذى عفانا
و يارب ما يكتبه على اى حد اعرفه

العيد

ده اول عيد صغير يعدى عليا بعد الجواز
حاجات كتير اوى حصلت فى حياتى من العيد اللى الفات
اتجوزت و بقى عندى نونو
انا بيتهيألى ان الحاجات اللى حصلت لى فى السنه دى اكتر من كل الحاجات اللى حصلت فى حياتى كلها
اهم حاجه فيها انى فعلا حسيت بالحب و لاول مره فى حياتى احس انى بحب حد
انا عمرى ما امنت بالحب كنت دايما اعتقد انه مش موجود و انه كلام مسلسلات و افلام و ان مفيش حاجه كده
بس ان دلوقتى صدقت ان فى حب و ان اللى بيحب ممكن يعمل اى حاجه علشان اللى بيحبه

بقى عندى نونو

انا خلاص ولدت...... كانت لحظات صعبه........كان نفسى يكون موجود معايا مع انى عارفه انه مكانش هيستحمل
اول ما فتحت عنيا سألت ماما اذا كان ولد و لا بنت علشان اقوله و بعت له رساله علشان كان فى الشغل و مع ذلك اتصل بيا على طول
مكنتش قلتله انى بولد لانى عارفه انه هيكون قلقان اوى .
كنت فاكره انى لما هولد هيبقى عندى حاجه تشغلنى و تنسنى بعده بس ده محصلش لسه زى ما انا برضه مش قادره استحمل بعده نفسى اوى يكون موجود دلوقت حاسه انى مش عايزة اشوف حد و لا اكلم حد انا عايزة بس استنى اليوم اللى هيرجع فيه
مع ان المفروض ان السبوع بعد بكره كل اللى بفكر فيه هو ان عيد ميلاده بعد السبوع بيوم بفكر هقوله ايه ........ جبت له هديه من بدرى......يا رب تعجبه

خواطر

-عندى احساس فظيع بالوحده و التوهان مع انى موجوده فى وسط اهلى بس حاسه انى وحيده ..... انى مش عارفه اتصرف
الدكتوره قالت لى انتى وزنك زاد قوى ........ انا كنت عارفه لان طالما هو مشى لازم هكتئب و هاكل كتير لكا كان موجود بدل ما ازيد 2كيلو خسيت كيلو كنت عارفه لان لما بيبقى موجود ببقى مستريحه ........ بس هو مشى ........ و سابنى لصراعى مع الاكتئاب
-الدكتوره برضه قالتلى انتى لازم تتحركى اكتر علشان البيبى ينزل فى الحوض ......... خايفه قوى من الولاده و اللى هيحصل بعدها خايفه ليهتم بيه اكتر منى ....... انا عارفه انا بغير منه من دلوقت حتى و هو مش موجود ........ مش عارفه هعمل ايه فى الموضوع ده
- مش عارفه ليه لما الموضوع بيتعلق بالفلوس و المصاريف ببقى خايفه اتكلم معاه ......... المشكله دلوقت ان فى كذا موضوع ورا بعض و المفروض انى اقله بس مش عارفه اعمل ايه ....... ساعات ببقى جريئه و اتكلم فى الموضوع ده عادى بس برجع اندم و اقول مش كان لازم اتكلم فى الموضوع ده

انت فين؟

من ساعه لما مشى و انا كل ما افتكر انه كان موجود اقعد اعيط
مش عارفه اتكلم معاه.....لما بيبعتلى رساله حلوة على الموبايل بفتكر و ببقى برضه عايزه اعيط
مش عارفه هكمل ازاى
كان نفسى يبقى موجود ساعه الولاده
لان دى اكتر حاجه خايفه منها
معاد الولاده قرب المفروض بعد 15 يوم تقريبا

الرحيل

جه..... قعد عشرين يوم........
كنت خلالهم فى حاله نكران.......كان عندى امل مايمشيش.......يفضل قاعد معايا يطول الاجازه خصوصا انه مشكلته خلصت هناك.....
لكن كان مجرد حلم......قبل ما يجى كنا متخانقين خناقه كبيره اوى..........كنت فاكره انه هيكون متغير من ناحيتى.........انه يكون بطل يحبنى
لكن اول ما جه كل ده انتهى مالقتهوش متغير.......... و انا مقدرتش اعاتبه على الكلام اللى قاله ليا.......كان ياخدنى فى حضنه .....بين ايديه........و يقل انه بيحبنى.......كان جسمى كله يترعش ......ابقى عايزه اعيط......كنت اصحى باليل و ابص له ..........زمش مصدقه انه معايا......لكن الايام بتمر بسرعه........و كان لازم يرجع........ يمشى..... يسبنى لوحدى......ليله سفره كانت ليله صعبه عليا و عليه ..........و يوم السفر حاولت اشغل نفسى و افكر فى اى حاجه تانيه بس معرفتش ........قالى هرجعلك بسرعه و انا اقول لنفسى ياريت.....بس انا عارفه ان ده حلم تانى ........سافر من اربع ايام ولسه مش عارفه اكتب لانى مش شايفه من دموعى يوم ما سافر كلمت واحده صحبتى كنت فاكره انى هستريح لما اكلم حد بس كنت بعيط و مش شايفه الحروفو لا هى كاتبه ايه......... لما وصل ما اتصلش بيا قالى انه هيوصل هناك السعه سته ..........لغايه الساعه اتناشر ما اتصلش كنت زى المجنونه بعيط بهستريه و مش عارفه افكر اتصلت بأخته قولتلها هو اتصل قالت لا كنت هتجنن قالتلى انها هتتصل ساعتها افتكرت ان معايا رقم تليفونه و بعت له رساله و بعدين قلت لنفسى ما تتصلى و اتصلت اول ما سمعت صوته كنت عايزه اعيط و اصرخ ........ ادركت ساعتها اد ايه انا من غيره ضايعه و مش عارفه افكر....... نفسى يرجع بقى وحشنى اوى

عزازيل

النهارده انا خلصت روايه اسمها عزازيل
عجبتنى اوى الروايه دى الكاتب بيقول انها حقيقيه و ترجمه لنصوص هو لاقاها فعلا
الروايه فيها قلق و حيره و احداث كتيره
و اكتر مشهد معتقدش انى ممكن انساه هو مشهد مقتل هيباتيا و اوكتافيا
مشهد فظيع و وحشى بيفكرنى بمقتل نورى السعيد العراقى لكن الفرق ان الى حصل معاه كان بعد مقتله
لكن اللى حصل مع هيباتيا حصل و هى حيه
المفروض ان القصتين حقيقيتين, انا مكنتش اتصور ان فى ناس بالوحشيه دى
برضه الروايه فيها مشهد تانى وحشى و هو مقتل ابو هيبا
الوحشيه هنا فى طريقه القتل و الاهم انهم قتلوه قدام ابنه الصغير
ساعات بحب اقرأ الحاجات دى بس ساعات لما برجع افتكرها بتبقى ذكرى وحشه
بتألم لما برجع افتكرها جايز علشان كده بحب اقراها
ساعات بحس ان الالم متعه علشان كده بحب اقرأ الحاجات دى

كل سنه و انا طيبه

عيد ميلادى كان من يومين :(
زى ما توقعت ما افتكرهوش
مش عارفه ليه ؟
جايز علشان هو بعيد
و جايز علشان الظروف اللى بيمر بيها
انا مش زعلانه منه
بس كان نفسى يقولى كل سنه و انتى طيبه
كل سنه و انا طيبه

ليه؟

انا حاسه انى خلاص بقيت اتعس انسانه على وجه الارض
ماهما اعمل علشان ارضيه مش عاجبه
مصر يجرحنى
مش عارفه ليه دايما فاكر ايام زمان ايام الجامعه لما كانت البنات كلها بتجرى وراه و هو مبيسألش فيهم
عايزينى ابقى زيهم؟
ليه دايما بيقارنى بيهم؟
يقولى زمان فى واحده عملت و واحده سوت
برضه مصر انه يبوظ كل ذكرى جميله حصلت ما بينا
ابقى فاكره انه بيعمل حاجه لكن هو فى ضميره حاجه تانيه خالص
ساعات بحس انه متعمد يزلنى علشان عارف انى بحبه و مقدرش استغنى عنه
ساعات ببقى متأكده انه مابيحبنيش
اناخلاص ما بقيتش عايزه اسمعها منه
بقيت بتألم لما بسمعه يقولها لانى حاسه انه بيكدب عليا
عايزينى اعمل اللى هو عايزه من غير مايفكر فيا اذا كانت الحاجه دى هتريحنى و لا لأ
ليه بيعمل فيا كده ليه؟
بيخلينى احس انى اسوأ انسانه فى الدنيا انى اغبى واحده انى اوحش واحده عمره ما حسسنى انى متميزه
حتى المرات اللى حاسيت فيها بعد كده انه كان بيكدب عليا
كل ما نيجى نتناقش يقولى انتى مشكلتك انك حاسه انك لسه ما اتجوزتيش
او يقولى ما هو انا لو مالى عينيك كنت عملت اللى انا عايزه
ويقولى برضه انتى ليه مش عايزه تتحملى المسؤليه معايا
مش كفايه انى حامل و هولد لوحدى و اقعد بالمولود لوحدى من غيره بعد ده كله انا مش متحمله المسؤليه !
كل التوتر و الاحباط ده بينعكس طبعا على الجنين لدرجه انى حاسه انه هيطلع عصبى جدا
انا بقيت مش قادره اوقف دموعى
انا خلاص مش قادره افهمه
"عيد ميلادى قرب ياترى هيعمل ايه؟
مش عايزه اسأل نفسى لانى عندى احساس انه هينساه او هيكون فاكر بس مش هيعمل حاجه
انا خلاص ما بقتش اتوقع منه كتير "

مبتعلمش

ما بتعملش .. بغيرة القلب ما بيحلمش
ينام الليل و سهرانة فى هواه مبانمش
يروح و يغيب و ينسانى .. و لما يجيبنى من تانى
يسامحه القلب فى ثوانى كأنه ليالى متألمش
وليه .. دايما بعديلة .. وراضى القلب بقليلة
بياخد منى و اديلة .. وقلبى بحبى ما بيبخلش

ما بتعملش .. بغيرة القلب ما بيحلمش
ينام الليل و سهرانة فى هواه مبانمش
يروح و يغيب و ينسانى .. و لما يجيبنى من تانى
يسامحه القلب فى ثوانى كأنه ليالى متألمش

وليه .. بتعدى أيامى .. و تهرب منى قدامى
غرامة دا كل أحلامى .. وليه أحلامى مبتكملش

ما بتعملش .. بغيرة القلب ما بيحلمش
ينام الليل و سهرانة فى هواه مبانمش
يروح و يغيب و ينسانى .. و لما يجيبنى من تانى
يسامحه القلب فى ثوانى كأنه ليالى متألمش

مره زمان كنت سمعت الغنيه دى و كل اللى فكرت فيه ان ده فعلا حالى
سمعتها تانى و تالت و بعتها له علشان تقوله الكلام اللى مش عارفه اقوله
ودلوقت برضه ابقى زعلانه منه و محضره كلام كتير علشان اعاتبه بيه
لكن اول ما اسمع صوته انسى كل الكلام و لسانى يتعقد و معرفش اقول غير انى بحبه و بموت فيه
صحيح مبتعلمش

سفريه

هاسافر البلد اليومين اللى جايين
انا بحب اسافر هناك لان المكان هناك بيفكرنى بيه
مفيش هناك انترنت
بس فيه ناموس كتير اوى
و فيه نونو كمان لسه اول مره هاشوفها
انا رايحه علشان وضع النونو بتاعى مش صح فانا رايحه اتمشى علشان يتعدل

اول مره

اول مره يدلعنى بأسمى
حسيت انى صغيره اوى و مكسوفه شويه
حسيت انى متخدره
كنت مبسوطه اوى
كنت مستنيه اللحظه دى من زمان

نفسى فى ايه؟

بحب اوى لما بيسألنى نفسك فى ايه؟
نفسى فى ايه؟
نفسى يرجع
تفسى يضمنى لصدره
نفسى يفضل يحبنى على طول
نفسى احس بأيده عليا
نفسى يفضل جنبى على طول
نفسى يحس بالبيبى و هو بيتحرك جويا
نفسى يكون معايا ساعه الولاده
نفسى ....نفسى.....نفسى........
نفسى فى حاجات كتيره.....
طماعه!........ايوة
بحب اوى لما يسألنى نفسك فى ايه؟

بحبه و بيحبنى و لا........

ساعات كتيره بحس انه ما بيحبنيش.......
بحس ان كل اللى بيعمله معايا ده علشان هى دى طبيعته او علشان انا مراته و خلاص مش اكتر
انه واجب عليه انه يعمل كده
مابيحسسنيش انى مميزه ...
انى مختلفه.....
ان انا غير كل البنات و الستات اللى عرفهم قبل كده.
انا زى اى واحده,
و لو كان اتجوز واحده تانيه كان هيعملها نفس المعامله....
هى دى طبيعته....
لما كان موجود كان بيقول ليه انه بيحبنى.......
صحيح انا عمرى ما سألته كنت خايفه يقولى لا و لو حتى بهزار
بس دلوقت بيقولى انه ماحسش انه بيحبنى غير لما سافر!
امال ايه الكلام اللى كان بيقوله ده !
يعنى كان بيضحك عليا !
بيسكتنى بكلمتين !
بيعمل اللى عليه!
ازاى اصدقه بعد كده........
لما يجى و يقولى بحبك اعرف منين انه مابيضحكش عليا..........
المشكله انى بحبه اوى و لما اقوله كده يقولى مش مصدقك!
و لما قولتله انى بتضايق من الكلام ده يقولى انا كنت بهزر و انتى عقلك صغير و تفكريك محدود.
ساعات بحس انه فعلا بيحبنى حتى و لو كان هو مش عارف ده بس ساعات بحسه
مش عارفه بيحبنى على ايه؟
بس المهم عندى انه حتى بعد ده كله انا برضه لسه بحبه!

my wedding day

my wedding day !
it is one of my worst memories.
first, of all i was in rush that morning i didn't know what to get for a ride to get to the hairstylist.
second, i was so worried that i was hardly speaking,
my relative had to go and she was too late and i hadn't any one to speak with.
third, i am not beautiful i know that so i was afraid that the makeup artiest make it worse,
for my luck she didn't, i was waiting for him to see me and make any comment.....
but he didn't say anything about me or even my dress .
forth, i don't like weddings any way so nothing to remember there except that i was so happy that three of my friends i didn't expect them to show up, came to the wedding they made good comments about me ,my makeup and my dress i was so happy that they show up.
fifth, he didn't spake to me all the way,
not a single word.
sixth, i noticed that he was wearing some sort of a button in shape of the first letter of my name
but i knew that it wasn't him who bought it and he lost it during the wedding.
seventh, i discovered that i lost my earrings, i loved them very much, i was so sad i lost them.
eighth, after that he told me what people said about him and about his sister.........
but not a single word about me.
my wedding day ! is my worst memory.

اصعب احساس

اصعب احساس ممكن احسه هوه الاحساس بالرفض
او الاحساس بأنى مهمشه موجوده او مش موجوده مش بتفرق
مع انه بيتصل بيا و بيكلمنى على طول الا ان الاحساس ده ساعات بيجينى
مش عارفه المشكله عند مين
بس لما نكون بنتكلم و الكلام ياخدنا لنقطه يقولى فيها....
الى تعمل كده تطلق!
الى تقول كده جوزها يسيبها!
لو عملتى كده يبقى كل واحد من طريق!
لو قلتى كده يبقى كل واحد يروح لحاله!
انا لو زعلت منك ممكن اقعد سنتين مكلمكيش!
بغض النظر اذا كان الموضوع يستاهل و لا لأ
بغض النظر ده هيحصل و لا لأ
انا محبش اسمع الكلام ده
فى حاجات بديهيه انه فعلا ده موقف مينفعش معاه غير الانفصال
بس برضه انا محبش اسمع الكلام ده
بحس من خلاله ان انا ماليش لازمه و عامله زى القلم لو جه مره وكتب غلط نرميه
بحس انى شىء تافه لو باظ و ايه يعنى ممكن نستغنى عنه مفيش مشكله فى غيره كتير
مع انه ساعات بيحسسنى ان وجودى فارق معاه
بس الكلام ده بيضايقنى و بيفضل مأثر عليا فتره
جايز اكون بنسى بعدها بس الكلام يرجع يتكرر
و ارجع افتكر تانى الكلام اللى اتقال قبل كده كله

يوم حلو

يعنى ايه يوم حلو ؟
ازاى اعرف انه ده يوم حلو؟
على النتدى اقرى الواحده تشتكى من حد تقول مشفتش منه يوم حلو.....
معقوله....
مهما كان الأنسان ده وحش معقوله ماشافتش يوم حلو.....
قعدت افكر انا يا ترى شفت يوم حلو؟!!!!
الحاجات الى انا فاكراها قبل تالته مش كتير او بمعنى اصح انا مش عايزه افتكرها
فى الفتره دى حصلت حاجه مش عايزه افتكرها و لا اقدر اتكلم عنها لغايه دلوقت و مابحاولش افتكر قبلها اى حاجه
يبقى ما فيش غير اخر سنه فى الثانوى و الكليه و المعهد و مابعد كده و دول مش قليلين يعنى ممكن يكونوا 8 او 7 سنين
احاول افتكر يوم فرحت فيه اوى.................
يوم حلو...........
و لقتنى بسأل نفسى يعنى ايه يوم حلو؟؟؟
و بعدين اكتشفت حاجه ان الواحد لما بيحب يفتكر حاجه وحشه او حاجه تضايقه
يووووووووووووووووه ............هيلاقى بلاوى
يعنى ايه يوم حلو؟؟؟
لما حاولت افتكر يوم حلو مع جوزى لقيت مش فاكره حاجه
كل اللى افتكره حاجات ضايقتنى فيه
طبعا انا مش غبيه علشان ادرك ان العيب فيا انا
بس برضه ما هو ممكن يكون كان فى يوم حلو بس انا مش عارفه و مش حساه
يعنى ايه يوم حلو؟؟؟
انا قررت طالما انا مش فاكره هسأله:ياترى شوفت معايا يوم تقدر تقول عليه حلو؟
بس طبعا لما ييجى(الصبر)
بس المصيبه انه يسألنى : يعنى ايه يوم حلو؟ يا لهوى!!!
بس برضه....
يعنى ايه يوم حلو؟!!!!!!

wedding picture

one of my friends was visiting me i told here i will show you the my wedding photos
when she saw them she told me he looks so good
and look at you you look so evil
i looked to the photos and i saw it
she was right he looks good but me .....
evil....evil.....evil
all the photos ........evil
when we were engaged i told him i am not good(tiabah)
i am not an angle
i tend to argue and not to listen
he did not believe me he said no one tell that about herself
but i do because i know
when we married i tried to be good but i can't help it
he so good
i don't deserve him

dreaming

he was sleepy i guss ,dreaming may be but he was talking
he was calling someone
i listened ,and i wish i hadn't
he was calling name of other women
it was a shock to me in the frist time but it repeated
i can't talk about
i will look stupid and paranoiac
because it is his sisters names
even with that it is so hard why he is calling them ?
why he doesn't call my name?
what if he know women with the same name?
what if he is just doing this to see what i am going to do ?
one thing i know if this ever happen again i will explode in his face

frist time to reliefe

this is a problem i have long ago but i haven't talked about it to any one , i have a lot of problems i have never talked about it but let's just take it one at time.
and as a start here is my first problem
i haven't learn or get to ask people to do things for me ,when i was still not married i had troubles asking for any thing from my father especially money , when i get married it seems that i have the same problem with my husband but much more difficult .
it is a very strange feeling that there is a new man in my life , a man who is responsible for me .i mean i am old enough to take care of my self but unfortunately i have no income.
the very only reason i want to get a job is that i want to have my own income , i don't feel comfortable to ask for money to get stuff for me .
i think i am little shy or as i mentioned earlier i am not used to it or and this is the real reason i think that i am afraid that he might consider me too much needy.
one of the thing that make me don't feel comfortable with it that i have to explain why i want the money and after spending it i have to tell him what i have bought .
i don't like it because i can't stand that he might criticize the thing i get .
i hate when someone criticize me for my taste in cloth or how much i eat or how i eat ,that heart me the most .
i don't know why i feel so much heart for that and it takes me so long to recover but i never forget.
i hate most of the food kind for that and cooking is a nightmare for me .
are my children going to inherent this from me? i hope not

ذكرى

افتكر مره لما جوزى كان موجود كنا نايمين نتكلم وضهرنا لبعض و شدنا فى الكلام شويه المهم انا قولت كلمه ماكانش المفروض تتقال لقيته اتعدل و قام وقالى انت قولتى ايه فى اللحظه دى انا خفت جدا و بحركه غريزيه خبيت وشى بأيدى و انكمشت فى نفسى ومردتش قالى لما انتى بتخافى كده بتغلطى ليه و بعد كده صوته هدى و قالى ما تخافيش و دورنى له و خدنى فى حضنه
على قد ماكنت خايفه بقيت مرتبكه و قلت لنفسى هو بيعمل ايه ؟ هى ايه الحكايه؟
بس بعدها حسيت اد ايه هو بيحبنى و اد ايه انا بحبه يعنى بعد كل ده و بعد ما كان فى وضع قوة اختار يعمل ايه !
فى الوقت ده لو كان قالى ارمى نفسك فى البحر كنت هارمى نفسى
فى بعض الرجاله ممكن تعتبر ده ضعف لكن انا حسيت انه عمل كده لانه متاكد انه مش فى موقف ضعف و حسيت اد ايه هو واثق من نفسه
ده يخلنى بعد كده اخد بالى اكتر علشان مش كل مره تسلم الجره

introduction

hi
i have been married for 7 monthes now, my hasbend had left me to work in a forigen country since 3 months, i am bregnant in my 5th month iand i hate bieng bregnant i don't know why my be i think it is so soon ,it is not that i don't love my hasband i love him so much but i think it is so soon ,may be i think we need to enjoy our life frist.
when my hasbend was here and told me that he has to leave i didn't realise it i thoght so what he is leaving alot of my friends' hasbands left them and they are cool with it ,but in the day he left i felt so lonley and scaried that i am alone in the place , he left me before to get thomsing , but that was diffrent i started to cry i thought i will not going to cry when he leave but i knew now i was wrong , i remmbered how it was before he leave he used to take me in his arms to hug me all night i felt so protected and cared for but now it all gone i feel so much lonely inspite of he didn't left since too long ,i miss him so much already
i hope he come back soon , i know it is just a dream but it worth it